شعر عن الام
يمه كتبتك فوق صفحات الأوراق=وانتي بقلبي لو كتبتك بالغيوم
يمه أحبك دام بي قلب خفاق=ومحتاج لك أكثر من أيام مفطوم
يمه حنيني يزيد وتزيد الأشواق=واحتاج لك في فرحتي وكل الهموم
يمه إذا الخلق اعرفت مين ( عشّاق )=فانتي عرفتي ( محمد ) اللي معك دوم
يمه يعذب خاطري حيل الفراق=لا ذوق زادي ولا اهتني لذة النوم
كمجبت
يمه في قربك كل لحظه بها اشتاق=وش عاد بعدك والرضا منه محروم
يمه السموحه 00 لك جميلٍ بالأعناق=ولا عرفت أرضي ضميري من اللوم
يمه أبي أرسم وصوفك بالأحداق=وفي غربتي برسل لك أخبار وعلوم
يمه السفر بدري قبل وقت الإشراق=وحضنك الدافي غصب منه باقوم
يمه 00 فمان الله والدمع دفاق=دمعي سبقني قبل ما سافر اليوم
